Histoarje
De Avaleen is makke fan de bêste soarten hout, de mahoanjehouten romp is boud op iken spanten en it dek en de sitbanken binne makke fan teak. It skip is yn 2000 mei in soad fakmanskip en besieling boud troch Bein Brandsma, tegearre mei de skûtmakkers Jasper Visser en Popke Douma.
- flnr Popke, Jasper en Bein
De jachtwerf is sûnt 1898 eigendom fan de famylje Brandsma, dy’t, nettsjinsteande de algemiene oergong nei de izer- en stielbou, fêsthold oan de bou en reparaasje fan houten bedriuwsboaten.
Yn de tweintiger jierren fan de foarige ieu waard it aksint stadichoan ferlein fan beropsskip nei plezierboat. Dit wienen oer it algemien lytse sylskouwen, sloepen en kajútsyljachtsjes mar sa no en dan ek in motorboat. Ferskate tradisjonele Nederlânske rûne en platboaiemjachten lykas it Fryske Jacht, de Staverse jol en de Vollenhovense bol rûnen op de Brandsmawerf ek fan ‘e helling.